அகமதாபாத்திலிருந்து புறப்பட்ட விமானம் தொழில்நுட்பக் கோளாறு காரணமாக வாரணாசியில் அவசரமாகத் தரையிறக்கப்பட்டது

அகமதாபாத்தில் இருந்து புறப்பட்ட ஸ்பைஸ் ஜெட் விமானம் வாரணாசியில் அவசரமாகத் தரையிறக்கப்பட்டது.

குஜராத் மாநிலம் அகமதபாத்தில் இருந்து பீகார் தலைநகர் பாட்னாவிற்கு நேற்று காலை ஸ்பைஸ் ஜெட் விமானம் புறப்பட்டது. விமானத்தில் 80 பயணிகளும், விமான ஊழியர்களும் இருந்த நிலையில், திடீரென விமானத்தில் ஏற்பட்ட தொழில்நுட்பக் கோளாறு காரணமாக வாரணாசியில் அவசரமாகத் தரையிறக்கப்பட்டது.

சிலமணி நேரம் தாமதத்திற்குப் பின்னர் விமானத்தின் கோளாறு சரி செய்யப்பட்டு மீண்டும் அந்த விமானம் இயக்கப்பட்டதாகத் தகவல்கள் தெரிவிக்கின்றன.