ஓட்டுநர் உரிமம் பெறுதல், மருத்துவ காப்பீடு உள்ளிட்ட 5 சீர்திருத்த நடவடிக்கைகள் நாளை முதல் அமல்

நாளை முதல் சில புதிய சீர்திருத்தங்கள் நடைமுறைக்கு வருகின்றன.

முதலாவதாக, ஓட்டுநர் உரிமத்திற்கான ஆவணங்கள், இ-சலான் ஆகியன இனிமேல் இணையதளம் வாயிலாக மட்டுமே பெறப்படும். உரிமம் பெறுவதற்கு அளவுக்கு அதிகமான ஆவணங்களை சமர்ப்பிக்கத் தேவையில்லை.

இரண்டாவதாக, மருத்துவ காப்பீடு வழங்கும் நிறுவனங்கள் தங்களது பாலிசிகளை மக்கள் எளிதில் புரிந்துகொள்ளும் வகையில் வெளியிடுவது கட்டாயமாக்கப்படுகிறது. டெலிமெடிசினுக்கும் இனி காப்பீடு பொருந்தும்.

மூன்றாவதாக, இனிப்புகளை விற்கும் சுவீட்கடைகாரர்கள், அவற்றை எத்தனை நாட்களுக்குள் சாப்பிட்டுவிடவேண்டும் என்பதை வாடிக்கையாளர்களுக்கு தெரிவிப்பது கட்டாயமாகிறது.

இவை தவிர இறக்குமதியாகும் டிவிக்களுக்கு 5 சதவிகித சுங்கவரி விதிப்பதால் அவற்றின் விலை அதிகரிக்கும்.

அதே போன்று வெளிநாட்டில் படிக்கும் பிள்ளைகள் அல்லது வேறு உறவினர்களுக்கு பணம் அனுப்புபவர்களிடம் இருந்து கூடுதலாக 5 சதவிகித வரி வசூலிக்கப்படும்.