பிரான்ஸ் நாட்டால் முதல்கட்டமாக ஒப்படைக்கப்பட்ட 5 ரபேல் போர் விமானங்கள், இந்திய விமானப்படையில் நாளை முறைப்படி இணைக்கப்படுகின்றன.
ஹரியானா மாநிலம் அம்பாலாவில் உள்ள இந்திய விமானப்படை தளத்தில் இந்நிகழ்ச்சி நடைபெறுகிறது. இதில் இந்திய விமானப்படையின் 17வது படைப்பிரிவான கோல்டன் அரோசிஸில் 5 விமானங்களும் இணைக்கப்படுகின்றன.
இந்நிகழ்ச்சிக்கு பாதுகாப்பு அமைச்சர் ராஜ்நாத் சிங், பிரான்ஸ் பாதுகாப்பு அமைச்சர் புளோரன்ஸ் பார்லி ஆகியோர் தலைமை வகிக்கின்றனர். அவர்கள் முன்னிலையில் 5 விமானங்கள், விமானப்படையில் சேர்த்து கொள்ளப்படுகின்றன.