சிறப்பு தரிசனத்திற்கான டிக்கெட் முன்பதிவு இன்று மாலை முதல் தொடக்கம்

திருப்பதி ஏழுமலையான் கோயிலில் சிறப்பு தரிசனத்திற்கான டிக்கெட் முன்பதிவு இன்று மாலை முதல் தொடங்குகிறது.

கொரோனா பாதிப்பு காரணமாக வருகிற 15-ம் தேதி தொடங்கும் பிரமோற்சவ விழாவுக்கு பக்தர்கள் தரிசனம் செய்ய முதலில் தடை விதிக்கப்பட்டது.

இருப்பினும், புராட்டாசி மாதத்தை கருத்தில் கொண்டு குறைந்த அளவிலான பக்தர்களை அனுமதிக்கும் வகையில், சிறப்பு தரிசனத்திற்கான 300 ரூபாய் டோக்கன் விநியோகிக்கப்படும் என்றும், பக்தர்கள் முன்பதிவு செய்து டோக்கன் பெற்று பிரமோற்சவ திருவிழாவின் போது தரிசனம் செய்யலாம் என தேவஸ்தானம் தெரிவித்தது.

இந்த நிலையில், https://tirupatibalaji.ap.gov.in/#/login என்ற இணையதளம் மூலம் முன்பதிவு செய்து டிக்கெட் பெற்றுக்கொள்ளலாம் என தேவஸ்தானம் அறிவித்துள்ளது.