அயோத்தியில் ஆகஸ்டு ஐந்தாம் நாள் ராமர் கோவில் கட்ட அடிக்கல் நாட்டும் விழாவில் பிரதமர் நரேந்திர மோடி கலந்துகொள்வார் எனக் கூறப்படுகிறது.
உத்தரப்பிரதேச மாநிலம் அயோத்தியில் ராமர் கோவில் கட்டுவதற்கான பூமி பூஜையை எந்த நாளில் நடத்துவது என்பது குறித்து அதற்காக அமைக்கப்பட்டுள்ள அறக்கட்டளையின் உறுப்பினர்கள், சமயத் துறவிகள் சனிக்கிழமை அயோத்தியில் கூடி விவாதித்தனர். பிரதமர் நரேந்திர மோடி வருவதையொட்டி ஆகஸ்டு மூன்றாம் நாள் அல்லது ஐந்தாம் நாளில் பூமி பூஜையை நடத்தலாம் எனத் தீர்மானித்தனர்.
இந்நிலையில் பூமி பூஜைக்கான நிகழ்ச்சி ஆகஸ்டு ஐந்தாம் தேதி காலை எட்டுமணிக்குத் தொடங்கும் என்றும், இந்த நிகழ்ச்சியில் கலந்துகொள்ளும் பிரதமர் மோடி பகல் 11 மணி முதல் ஒரு மணி வரை அங்கிருப்பார் என்றும் கோவில் கட்டும் அறக்கட்டளை வட்டாரங்கள் தெரிவித்துள்ளன. வாரணாசியைச் சேர்ந்த சமயத் தலைவர்களும் இந்த நிகழ்ச்சியில் கலந்துகொள்வார்கள் எனக் கூறப்படுகிறது.