ஸ்ரீநகரில் வீட்டில் பதுங்கியிருந்த 3 பயங்கரவாதிகள் சுட்டுக் கொலை

ஜம்மு காஷ்மீரின் ஸ்ரீநகர் பகுதியில் உள்ள வீட்டில் பதுங்கியிருந்த 3 பயங்கரவாதிகளை பாதுகாப்புப் படையினர் இன்று சுட்டுக் கொன்றனர். 

ஸ்ரீநகரின் ஜதிபால்  பகுதியில் பயங்கரவாதிகள் பதுங்கியிருப்பதாக கிடைத்த தகவலின்பேரில் பாதுகாப்புப் படையினர் தேடுதல் வேட்டையில் ஈடுபட்டனர்.

அப்போது வீடு ஒன்றில் பயங்கரவாதிகள் பதுங்கியிருப்பதை கண்டுபிடித்து, அந்த வீட்டை பாதுகாப்புப் படையினர் சுற்றிவளைத்தனர். சரணடையுமாறு பாதுகாப்புப் படையினர் வேண்டுகோள் விடுத்தும், தீவிரவாதிகள் ஏற்க மறுத்ததால் இருதரப்புக்கும் சண்டை மூண்டது.

பல மணி நேரமாக நடைபெற்ற சண்டையில் 3 பயங்கரவாதிகளும் பாதுகாப்புப் படையினரால் கொல்லப்பட்டனர். 3 பயங்கரவாதிகளில் ஒருவன் கடந்த மாதம் 2 பிஎஸ்எப் வீரர்கள் மீது நடத்தப்பட்ட தாக்குதலில் தொடர்புடையவன் என காவல்துறை தெரிவித்துள்ளது.