கேரளாவில் ட்ரோன் கேமரா கண்காணிப்புக்கு பயந்து பொதுமக்கள் ஓடி ஒளியும் வீடியோவுடன் கிரிக்கெட் வர்ணணையாளர்களின் ஆடியோவை இணைந்து அம்மாநில போலீசார் வெளியிட்டுள்ள வீடியோ வைரலாகியுள்ளது.
கொரோனா பரவலை தடுக்க ஊரடங்கு உத்தரவு பிறக்கப்பட்டுள்ள நிலையில் அதை மீறி சாலையில் செல்வோர் குறித்து கண்காணிக்க கேரள போலீசார் ட்ரோன் கேமராக்களை பயன்படுத்தி வருகின்றனர்.
அந்த வகையில் பல்வேறு இடங்களில் தங்களுக்கு மேலே ட்ரோன் கேமரா பறப்பதை கண்டு பொதுமக்கள் சிதறி ஓடும் காட்சியை, அதிவேகமாக பறக்கும் கிரிக்கெட் பந்துடன் ஒப்பிட்டுள்ள போலீசார், ரவி சாஸ்திரி, சுனில் கவாஸ்கர், சஞ்சய் மஞ்சரேக்கர உள்ளிட்டோரின் வர்ணனையை இணைத்துள்ளனர்.