கொரானா அச்சுறுத்தலால் பத்ம விருதுகள் வழங்கும் விழா ஒத்திவைப்பு

கொரானா வைரஸ் அச்சுறுத்தலால் ஏப்ரல் 3 ஆம் தேதி நடைபெற இருந்த பத்ம விருதுகள் வழங்கும் விழா ஒத்திவைக்கப்பட்டுள்ளது.

பலதுறைகளில் சாதனை படைத்தவர்களுக்கு பத்மஸ்ரீ, பத்மபூஷன், பத்மவிபூஷன் விருதுகளை மத்திய அரசு சமீபத்தில் அறிவித்திருந்தது.

இவர்களுக்காக விருதுகளை வழங்கும் விழா டெல்லி குடியரசு தலைவர் மாளிகையில் ஏப்ரல் மாதம் 3-ம் தேதி நடைபெறும் என முன்னர் அறிவிக்கப்பட்டிருந்தது.

இந்த நிலையில் அந்த விழா ஒத்திவைக்கப்பட்டிருப்பதாகவும், மறுதேதி குறித்த அறிவிப்பு பின்னர் தெரிவிக்கப்படும் என்றும் குடியரசு தலைவர் மாளிகை வெளியிட்ட செய்திக்குறிப்பில் தெரிவிக்கப்பட்டுள்ளது.