ஐதராபாத்தில் நிறுத்திவைக்கப்பட்டிருந்த ரயிலில் ஏற்பட்ட பயங்கர தீ விபத்தில் ரயில் பெட்டி எரிந்து நாசமானது.
மவுலா அலி ரயில் நிலையத்தில் நிறுத்திவைக்கப்பட்டிருந்த ரயில் ஒன்றில் திடீர் தீ விபத்து ஏற்பட்டது. மளமளவென பற்றி எரிந்த தீயால், பெட்டிகளில் இருந்து கரும் புகை வெளிப்பட்டது. தகவலறிந்து வந்த தீயணைப்பு வீரர்கள், தீயை போராடி அணைத்தனர்.
இந்த விபத்தில் ஒரு ரயில் பெட்டி முழுவதுமாக எரிந்து நாசமானது. பயணிகள் யாரும் ரயிலில் இல்லாததால் பெரும் உயிர்ச்சேதம் தவிர்க்கப்பட்டுள்ள நிலையில், விபத்துக்கான காரணம் குறித்து விசாரிக்கப்படுகிறது.