ஜம்மு - காஷ்மீர் யூனியன் பிரதேசத்தில் தொழில் துவங்க உகந்த சூழல் உருவாகி உள்ளதால், தொழில் துவங்க முன்வருமாறு, தமிழக தொழிலதிபர்களுக்கு அழைப்பு விடுக்கப்பட்டு உள்ளது.
சென்னை - வேளச்சேரியில் நடைபெற்ற கலந்துரையாடல் நிகழ்ச்சியில் பங்கேற்ற ஜம்மு - காஷ்மீர் துணை நிலை ஆளுநரின் ஆலோசகர் கேவல் குமார் ஷர்மா, மே மாதம் இறுதியில் உலக முதலீட்டாளர் மாநாட்டை நடத்த முடிவு செய்துள்ளதாக தெரிவித்தார்.
தகவல் - தொழில் நுட்பம், விவசாயம், தோட்டக்கலை, கல்வி, சுற்றுலா மேம்பாடு, உணவு பதப்படுத்துதல் போன்ற தொழில்கள் துவங்க, அதிக வாய்ப்பு உள்ளதாக கேவல் குமார் ஷர்மா பட்டியலிட்டார். இந்த கலந்துரையாடல் நிகழ்ச்சியில் தமிழக தொழிலதிபர்கள் பலர் கலந்து கொண்டனர்.