சந்திரபாபு நாயுடுவின் சொத்து மதிப்பு எவ்வளவு தெரியுமா?

தெலுங்கு தேசம் கட்சித் தலைவரும், ஆந்திர முன்னாள் முதலமைச்சருமான சந்திரபாபு நாயுடு தமக்கு 3 புள்ளி 87 கோடி மதிப்புக்கு சொத்து இருப்பதாக தெரிவித்துள்ளார்.

நாயுடு குடும்பத்தினர் ஒவ்வொரு ஆண்டும் தங்களது சொத்து விவரங்களை வெளியிட்டு வருகின்றனர். அதன் அடிப்படையில், கடந்த மார்ச் மாத நிலவரப்படி தமக்கு மொத்தம் 9 கோடி ரூபாய் மதிப்புக்கு சொத்துக்கள் இருந்தாலும், 5 புள்ளி 13 கோடி ரூபாய் கடன் இருப்பதாக அவர் கூறியுள்ளார்.

அதே சமயம் 5 வயதான அவரது பேரன் நர தேவன்ஷின் (Nara Devansh) சொத்து மதிப்பு 19 கோடியே 42 லட்சமாக உயர்ந்துள்ளது. இரண்டாவது ஆண்டாக இது சந்திரபாபுவின் சொத்தை விட அதிகம் என்பது குறிப்பிடத்தக்கது.