டெல்லியில் ஆட்டோமொபைல் உதிரிபாக தொழிற்சாலையில் தீ விபத்து

தலைநகர் டெல்லியில், ஆட்டோமெபைல் உதிரி பாக தொழிற்சாலையில் பயங்கர தீ விபத்து ஏற்பட்டது.

மேற்கு டெல்லியில் உள்ள முண்டுகா பகுதியில், தொழிற்பேட்டை அமைந்துள்ளது. அங்குள்ள ஆட்டோமெபைல் உதிரி பாக உற்பத்தி தொழிற்சாலை ஒன்றில், இன்று முற்பகலில், திடீரென பயங்கர தீ விபத்து ஏற்பட்டது.

இந்த தீ விபத்தில், யாருக்கும் காயமோ, உயிர்ச்சேதமோ ஏற்படவில்லை. கரும்புகையுடன் கொளுந்துவிட்டு எரிந்த தீயை, 26 தீயணைப்பு வாகனங்களில் வந்த தீயணைப்புத்துறையினர், இடைநிற்றலின்றி போராடி, முற்றாக அணைத்தனர்.