திருப்பதி கோயிலில் சுவாமி தரிசனம் செய்ய முன்பதிவு செய்த பக்தர்கள் வேறு தேதியில் மாற்றிக் கொள்ள தேவஸ்தானம் ஏற்பாடு

திருப்பதி ஏழுமலையான் கோயிலில் தரிசனம் செய்ய டிக்கெட் முன்பதிவு செய்த பக்தர்கள் வரமுடியாத நிலையில் வேறு தேதியில் அதனை மாற்றி கொள்ள ஏற்பாடு செய்யப்பட்டுள்ளது.

இதுதொடர்பாக திருப்பதி தேவஸ்தானம் வெளியிட்டுள்ள அறிக்கையில், ஏப்ரல் 21 முதல் மே 31ந் தேதி வரை ஆன்லைனில் 300 ரூபாய் சிறப்பு நுழைவுத் தரிசன டிக்கெட் முன்பதிவு செய்த பக்தர்கள் இந்த வசதியை பெறலாம் என்று அறிவிக்கப்பட்டுள்ளது.

ஆனால் இந்த தேதி மாற்றம் வருடத்திற்கு ஒரு முறை மட்டுமே செய்ய முடியும் என்பதை பக்தர்கள் நினைவில் கொள்ள வேண்டும் என்றும் குறிப்பிடப்பட்டுள்ளது. கொரோனா பரவலை அடுத்து பக்தர்களின் வசதிக்காக இந்த முடிவு எடுக்கப்பட்டுள்ளதாக அறிக்கையில் சுட்டிக்காட்டப்பட்டுள்ளது.