ஆப்பிள் நிறுவனத்தின் புதிய ரக ஐபோன் நாளை அறிமுகம்?

ஆப்பிள் நிறுவனத்தின் புதிய ரக ஐபோன் உள்ளிட்ட சாதனங்களை அறிமுகப்படும் நிகழ்ச்சி கடந்த ஆண்டைபோலவே நாளையும் இணையவழியில் நடைபெற உள்ளது.

'உச்ச செயல்திறன்' என்ற பெயரில் நாளை நடைபெற உள்ள நிகழ்ச்சியில் 5ஜி தொழில்நுட்பத்தில் இயங்கும் புதிய ரக சிறப்பு பதிப்பு ஐபோன்கள், 'ஐபேட் ஏர்' சாதனங்களை அறிமுகப்படுத்தப்பட உள்ளதாக கூறப்படுகிறது.

மேலும், புதிய மேக் மினி சாதனத்தையும், அனைத்து மேக் சாதனங்களுக்கான புதிய பிராசசரையும் ஆப்பிள் நிறுவனம் நாளை அறிமுகப்படுத்த வாய்ப்புள்ளதாக தகவல் வெளியாகி உள்ளது.

இந்த நிகழ்ச்சியை, ஆப்பிள் நிறுவனத்தின் இணையதளத்திலும், ஐபோன், டேப்லட் கருவிகளில் ஆப்பிள் டிவி செயலியிலும், யூடியூபிலும் இந்திய நேரப்படி இரவு 11.30 மணி முதல் காணலாம் என அறிவிக்கப்பட்டுள்ளது.