அமெரிக்க டிரோன் தாக்குதலில் கொல்லப்பட்ட போராளிக் குழு தளபதி

ஈராக்கில், அமெரிக்க படைகள் நடத்திய டிரோன் தாக்குதலில் உயிரிழந்த போராளிக் குழு தளபதியின் இறுதி ஊர்வலத்தில் ஏராளமானோர் பங்கேற்றனர்.

கடாய்ப் ஹெஸ்பொல்லா என்ற ஈரான் ஆதரவு போராளி குழு, கடந்த மாதம் ஜோர்டான் நாட்டில் நடத்திய டிரோன் தாக்குதலில் அமெரிக்க ராணுவ வீரர்கள் 3 பேர் உயிரிழந்தனர்.

ஈராக் தலைநகர் பாக்தாத்தில், போக்குவரத்து நெரிசல் மிக்க சாலை வழியாக காரில் சென்ற போராளி குழுவின் முக்கிய தளபதியான அபு பகிர் அல்ஸாதி அமெரிக்க ராணுவம் நடத்திய துல்லிய டிரோன் தாக்குதலில் உயிரிழந்தார்.