போதைப் பொருள் கடத்தல் விவகாரத்தில் தெலுங்கானா போலீசார் மூன்று நைஜீரிய நாட்டவர்களை பெங்களூருவில் கைது செய்தனர்.
இவ்வழக்கில் தேடப்படும் தெலுங்கு திரைப்பட நடிகர் நவ்தீப் பல்லபோலு மற்றும் தயாரிப்பாளர் ரவி உப்பாலபட்டி ஆகியோர் தலைமறைவாகி விட்டதாகவும் போலீசார் தெரிவித்துள்ளனர்.
ஹைதராபாதின் மாதாபுர் பகுதியில் உள்ள ஒரு சர்வீஸ் அபார்ட்மெண்ட்டில் சிலவகை போதைப் பொருள்கள் பறிமுதல் செய்யப்பட்டன.இது தொடர்பாக நகரின் மதுபான விடுதி உரிமையாளர்களைத் தேடி வந்தனர்.
இதனிடையே டிவிட்டர் மூலம் தமது ரசிகர்களைத் தொடர்பு கொண்ட முன்னணி தெலுங்கு நடிகர் நவ்தீப், போலீசாரால் தேடப்பட்டு வரும் நவ்தீப் தாம் அல்ல என்று விளக்கம் அளித்துள்ளார்.