தனது கணவரை விவாகரத்து செய்வதாக ஃபின்லாந்து பிரதமர் சன்னா மரின் இன்ஸ்டாகிராமில் பதிவு..!

ஃபின்லாந்து பிரதமர் சன்னா மரின் தனது கணவரை விவாகரத்து செய்வதாக அறிவித்துள்ளார்.

37 வயதான சன்னா மரின் 2019-ம் ஆண்டு முதல் பிரதமராக இருந்து வருகிறார். உலகின் இளம் பிரதமர் என அறியப்பட்ட சன்னா மரினுக்கும், காதலர் மார்கஸ் ரைக்கோனனுக்கும் கடந்த 2018-ம் ஆண்டு பெண் குழந்தை பிறந்த நிலையில், 2020-ம் ஆண்டு இருவரும் முறைப்படி திருமணம் செய்துகொண்டனர்.

இந்நிலையில் கணவருடன் விவாகரத்து கோரி மனுத்தாக்கல் செய்துள்ளதாக இன்ஸ்டாகிராமில் சன்னா மரின் தெரிவித்துள்ளார். தாங்கள் சிறந்த நண்பர்களாக இருப்போம் எனவும் சன்னா மரினும், மார்கசும் தனித்தனியாக இன்ஸ்டாகிராம் பதிவில் தெரிவித்துள்ளனர்.