இந்தியாவை வறுமையில் இருந்து விடுவித்து, அடுத்த 25 ஆண்டுகளில் நாட்டை வளர்ச்சியடையச் செய்வதை செயல்திட்டமாக கொண்டு பாஜக செயல்பட்டு வருவதாக பிரதமர் மோடி தெரிவித்தார்.
கர்நாடக சட்டசபை தேர்தலையொட்டி, அம்மாநில பாஜக தொண்டர்களிடையே காணொலிக்காட்சி வாயிலாக பேசிய பிரதமர், இதர கட்சிகள் அதிகாரத்தை கைப்பற்றுவதை செயல் திட்டமாக கொண்டுள்ளதாகவும், பாஜக இளைஞர்களின் திறனை முறைப்படுத்தி பயன்படுத்த செயல்திட்டம் வகுத்துள்ளதாகவும் தெரிவித்தார்.
காங்கிரஸ் கட்சி ஊழலை ஒழிப்பதற்கு விருப்பம் காட்டாமல் இருந்ததாகவும், அக்கட்சியே ஊழலின் ஆதாரமாக திகழ்ந்ததாகவும் அவர் விமர்சித்தார்.