கடலில் தவறி விழுந்து ராட்சத அலைகளில் சிக்கி உயிருக்கு போராடிய நபரை பத்திரமாக மீட்ட தீயணைப்புத்துறையினர்!

பிரேசிலின் ரியோ டி ஜெனிரோவில், கடலில் தவறி விழுந்து ராட்சத அலைகளில் சிக்கி உயிருக்கு போராடிய நபரை தீயணைப்புத் துறையினர் பத்திரமாக மீட்டனர்.

புயலின் காரணமாக ரியோ டி ஜெனிரோ கடற்பகுதி சீற்றத்துடன் காணப்படுவதோடு, ராட்சத அலைகள் எழுகின்றன.

2 புள்ளி 5 முதல் 3 மீட்டர் அளவுக்கு ராட்சத அலைகள் எழக்கூடும் என்பதால், நீச்சல் வீரர்களுக்கு எச்சரிக்கை விடுக்கும் விதமாக, பிரேசில் கடற்படையினர் கடற்கரையில் சிவப்பு நிற கொடிகளை வைத்துள்ளனர்.

எனினும் சிலர், ஆபத்தான முறையில் கடற்கரையில் விளையாடுவதோடு, ராட்சத அலைகளைக் காண கடற்பகுதிக்கு வருகின்றனர்.