ஷிவமொகாவில் கட்டப்பட்டுள்ள புதிய விமான நிலையத்தை திறந்து வைத்தார் பிரதமர் மோடி!

கர்நாடக மாநிலம் ஷிவமொகாவில் 450 கோடி ரூபாய் மதிப்பில் கட்டப்பட்டுள்ள புதிய விமான நிலையத்தை பிரதமர் மோடி இன்று திறந்து வைத்தார்.

தாமரை வடிவில் கட்டப்பட்டுள்ள இந்த விமான நிலையம், கர்நாடக மாநிலத்தில் பெங்களூருவுக்கு அடுத்தபடியாக 2-வது பெரிய விமான நிலையமாகும்.

இன்று முன்னாள் முதல்வர் எடியூரப்பாவின் 80-வது பிறந்தாளையொட்டி நிகழ்ச்சி மேடையில் அவருக்கு பிரதமர் மோடி வாழ்த்து தெரிவித்தார்.

முன்னதாக ஷிவமொகா விமான நிலையத்தின் மாதிரியை பிரதமர் மோடி பார்வையிட்டார். கர்நாடகாவில் ஏப்ரல்-மே மாதங்களில் சட்டப்பேரவை தேர்தல் நடைபெற உள்ள நிலையில், இன்று பல்வேறு திட்டப்பணிகளுக்கும் பிரதமர் மோடி அடிக்கல் நாட்டுகிறார்.