சிறந்த சர்வதேச திரைப்படம்... தொடர்ந்து விருதுகளை குவித்து வரும் ஆர்.ஆர்.ஆர் திரைப்படம்..!

லாஸ் ஏஞ்சல்ஸில் நடைபெற்ற ஹாலிவுட் கிரிட்டிக்ஸ் அசோசியேஷன் திரைப்பட விருதுகளில், RRR திரைப்படம் சிறந்த சர்வதேச திரைப்படம் விருது உள்பட 4 விருதுகளை வென்றது.

சிறந்த ஆக்ஷன் திரைப்படம், சிறந்த சண்டைக்காட்சிகள் மற்றும் நாட்டு நாட்டு பாடலுக்கும் RRR திரைப்படம் விருதுகளை வென்றது. இயக்குனர் ராஜமௌலி மற்றும் நடிகர் ராம் சரண் ஆகியோர் விருதுகளை பெற்றுக்கொண்டனர்.

இந்த விருதை இந்திய திரைப்பட தயாரிப்பாளர்களுக்கு அர்ப்பணிப்பதாக தெரிவித்த ராஜமௌலி, சர்வதேச திரைப்படங்களை நாம் உருவாக்க முடியும் என நம்பிக்கை தெரிவித்தார். நாட்டு நாட்டு பாடல் அடுத்த மாதம் நடைபெறும் ஆஸ்கர் விருதுக்கும் ஏற்கனவே பரிந்துரைக்கப்பட்டுள்ளது.