சீனாவில் கியாஸ் பங்க் ஒன்றில் எரிவாயு நிரப்பியதற்கு கொடுக்க வேண்டிய பணத்தை கார் உரிமையாளர் ஒருவர் தூக்கி வீசும் வீடியோ இணையத்தில் வேகமாக பகிரப்பட்டு வருகிறது.
பங்கிற்கு வந்த காரில் எரிவாயு நிரப்பும் பணியில் அந்த பெண் ஈடுபடுகிறார். பின்னர் பணம் பெறுவதற்காக உரிமையாளர் அருகில் சென்ற போது, அவர் அந்த பணத்தை கையில் கொடுக்காமல் தரையில் தூக்கி வீசுகிறார்.
இதைக்கண்டு அதிர்ச்சி அடைந்த பெண், கண்களில் கண்ணீருடன் கீழே சிதறிக் கிடந்த பணத்தை ஒவ்வொன்றாக எடுக்கிறார். கார் உரிமையாளரின் இந்த வெறுக்கத்தக்க செயலுக்கு இணையதளத்தில் கடும் கண்டனம் தெரிவிக்கப்பட்டு வருகிறது.