கேரளாவில், நள்ளிரவில் நகைக்கடையில் புகுந்த எலி ஒன்று விற்பனைக்காக வைக்கப்பட்டிருந்த நெக்லசை லாவகமாகக் கவ்விச் சென்றது.
இதுதொடர்பான சிசிடிவி காட்சிகள் சமூக வலைதளங்களில் வைரலாகி வருகிறது. காசர்கோடு பகுதியில் உள்ள நகைக்கடை ஒன்றில் தங்க நெக்லஸ் திடீரென மாயமானது.
இதைக் கண்டு அதிர்ச்சியடைந்த ஊழியர்கள், அங்கிருந்த சிசிடிவி காட்சிகளை ஆய்வு செய்தபோது, கடையின் சீலிங் வழியாக உள்ளே புகுந்த எலி, அக்கம் பக்கம் நோட்டமிட்டு அங்கிருந்த நெக்லஸை லாவகமாக வாயில் கவ்விச் செல்லும் காட்சிகள் பதிவாகியிருந்தது.