ஐபில் கிரிக்கெட் தொடருக்கான மினி ஏலம் கேரளாவின் கொச்சியில் தொடக்கம்

ஐ.பி.எல் வரலாற்றில் அதிக தொகைக்கு ஏலம் போன வீரர் என்ற சாதனையை இங்கிலாந்து வீரர் சாம் கரன் படைத்துள்ளார்.

கேரள மாநிலம் கொச்சியில் நடைபெற்ற மினி ஏலத்தில், டி20 உலகக்கோப்பையில் தொடர் நாயகனாகத் தேர்வு செய்யப்பட்ட சாம் கரனை, கடும் போட்டிக்குப் பின், பஞ்சாப் கிங்ஸ் அணி 18 கோடியே 25 லட்ச ரூபாய்க்கு ஏலம் எடுத்தது. அவருக்கு அடுத்தப்படியாக, ஆஸ்திரேலிய வீரர் கேமரூன் கிரீனை 17 கோடியே 50 லட்ச ரூபாய்க்கு மும்பை இந்தியன்ஸும், இங்கிலாந்து வீரர் பென் ஸ்டோக்ஸை 16 கோடியே 25 லட்ச ரூபாய்க்கு சென்னை சூப்பர் கிங்ஸும் ஏலம் எடுத்துள்ளன.

ஐபிஎல் வரலாற்றில் இதுவரை இல்லாத அளவிற்கு அதிக விலைக்கு இந்த 3 வீரர்களும் ஏலத்தில் எடுக்கப்பட்டுள்ளனர். தமிழக வீரர் ஜெகதீசன் 90 லட்ச ரூபாய்க்கு கொல்கத்தா நைட் ரைடர்ஸ் அணியால் ஏலம் எடுக்கப்பட்டுள்ளார்.