டெல்லி, ஹரியானா, பஞ்சாப் உள்ளிட்ட வட மாநிலங்களில் கடுங்குளிருடன் அடர் பனிமூட்டம் நிலவி வருகிறது.
பல மாநிலங்களில் பனிமூட்டத்தால் பார்வைத்திறன் 50 மீட்டராக குறைந்ததால் சாலை மற்றும் ரயில் போக்குவரத்து பாதிக்கப்பட்டது. பஞ்சாப், ஹரியானா உள்ளிட்ட மாநிலங்களின் சில பகுதிகளில் குறைந்தபட்ச வெப்பநிலை 4 டிகிரி செல்சியஸுக்கு கீழ் பதிவாகியுள்ளன.
லேசான பனிப்பொழிவு ஏற்பட்டு வரும் காஷ்மீரின் ஸ்ரீநகர், குல்மார்க் பகுதிகளில் குறைந்தபட்ச வெப்பநிலை மைனஸ் 4 டிகிரியாக உள்ளதால், மக்களின் இயல்பு வாழ்க்கை பாதிக்கப்பட்டுள்ளது.
வடமாநிலங்களில் அடுத்த சில நாட்களுக்கு பனிமூட்டம் அதிகரிக்கும் என வானிலை ஆய்வு மையம் தெரிவித்துள்ளது.