மகளின் திருமண செலவுக்காக ஐம்பொன் சிலைகளை திருடிய தந்தை

சென்னை மணலியில் மகளின் திருமண செலவுக்காக கோயிலில் இருந்து ஐம்பொன் சிலைகளை திருடிய தந்தையை போலீசார் கைது செய்தனர்.

சின்ன மாத்தூர் சி.பி.சி.எல் நகரில் உள்ள ஸ்ரீ வேணுகோபால் சாமி கோயிலின்  150 ஆண்டுகள் பழமையான, 20 கிலோ எடையுள்ள 2 ஐம்பொன் சிலைகள் திருடு போனது தொடர்பாக சிசிடிவி காட்சிகளை அடிப்படையாக கொண்டு, அதே பகுதியை சேர்ந்த அந்தோணி என்கிற யுவராஜை போலீசார் கைது செய்தனர். 

அதே பகுதியில் உள்ள குட்டையில் மறைத்து வைக்கப்பட்டிருந்த சிலைகளை போலீசார் மீட்டனர்.