அதிமுக தலைமையகத்தில் இருந்து ஓபிஎஸ் ஆதரவாளர்கள் திருடப்பட்ட 113 ஆவணங்கள் மீட்பு..!

ராயப்பேட்டையிலுள்ள அதிமுக தலைமையகத்தில் இருந்து ஓபிஎஸ் ஆதரவாளர்களால் திருடப்பட்ட 113 ஆவணங்கள் மீட்கப்பட்டுள்ளதாக சிபிசிஐடி போலீஸ் தெரிவித்துள்ளது.

அதிமுக அமைப்பு செயலாளர் சிவி சண்முகம் எம்பி கொடுத்த புகாரின்பேரில்,  ஓபிஎஸ் உள்ளிட்ட 60 பேர் மீது வழக்கு பதிவு செய்யப்பட்டது.

விசாரணை நடத்தி வரும் சிபிசிஐடி போலீசார், அதிமுக தலைமை அலுவலக பத்திரம், ஜானகி எழுதி கொடுத்த ஆவணம், அண்ணா டிரஸ்டின் ஆவணம், பாண்டிச்சேரி, திருச்சி,  மதுரையில் உள்ள கட்சி சொத்து பத்திரம்  உட்பட 113 செட் ஆவணங்களை, ஓபிஎஸ் ஆதரவாளர் கொளத்தூர் கிருஷ்ணமூர்த்தி இடமிருந்து மீட்டு, நீதிமன்றத்தில் தாக்கல் செய்திருப்பதாக தெரிவித்துள்ளனர்.