சென்னை விமான நிலையத்தில் 10 ஆண்டுகளுக்கு மேலாக பாதுகாப்பு பணியில் ஈடுபட்டு வந்த ராணி என்னும் மோப்ப நாய் ஓய்வு!

சென்னை விமான நிலையத்தில் கடந்த 10 ஆண்டுகளுக்கும் மேலாக பாதுகாப்பு பணியில் ஈடுபட்டு வந்த ராணி என்னும் மோப்ப நாய் ஓய்வு பெற்றது.

ஓய்வுபெற்ற மோப்ப நாய் ராணியின் வழியனுப்பு விழா சென்னை பழவந்தாங்கலில் உள்ள மத்திய தொழிற் பாதுகாப்பு படை வளாகத்தில் நடைபெற்றது.

நிகழ்ச்சியில் நாய்க்கு மெடல், மாலைகள் அணிவிக்கப்பட்டு கேக் வெட்டி சிவப்பு கம்பள மரியாதைகள் செய்யப்பட்டன.

பின்னர், ராணி மோப்ப நாயை போலீஸ் வாகனத்தில் ஏற்றி மத்திய தொழில் பாதுகாப்பு படை வீரர்கள் வாகனத்தில் மலர் தூவி வழியனுப்பி வைத்தனர்.