குடிபோதையில் தகராறு செய்த கணவனை செங்கல்லால் அடித்து கொலை செய்த மனைவி கைது

ஆவடி அருகே குடிபோதையில் தகராறு செய்த கணவரை செங்கல்லால் அடித்து கொலை செய்த மனைவி கைது செய்யப்பட்டார்.

முத்தா புதுப்பேட்டை, மேட்டு தும்பூரில் உள்ள செங்கல் சூளையில் விழுப்புரத்தை சேர்ந்த கிருஷ்ணன் - விஜயலட்சுமி தம்பதியினர் தங்கியிருந்து 15 வருடமாக வேலை பார்த்து வந்தனர்.

இந்த நிலையில் கிருஷ்ணன் தினமும் மது குடித்து விட்டு வீட்டில்  மனைவியிடம் தகராறில் ஈடுபட்டதாக கூறப்படுகிறது. நேற்று இரவு வழக்கம் போல் கிருஷ்ணன் குடித்து விட்டு வந்து மனைவியிடம் தகராறில் ஈடுபட்டது மட்டுமின்றி கடுமையாக தாக்கியதாகவும் கூறப்படுகிறது.

இதில் ஆத்திரமடைந்த விஜயலட்சுமி அருகில் இருந்த செங்கல்லை எடுத்து கிருஷ்ணனின் தலையில் பலமாக அடித்ததில் அவர் சம்பவ இடத்திலேயே உயிரிழந்தார்.