சென்னையில், நிலைதடுமாறி கீழே விழுந்து மூளைச்சாவு அடைந்தவரின் உடல் உறுப்புகள் 7 பேருக்கு தானமாக வழங்கப்பட்டன.
மாதவரம் கோட்டைமேடு பகுதியைச் சேர்ந்த மகாத்மா என்பவர், கடந்த 24-ஆம் தேதி இரவு வீட்டின் படிக்கெட்டில் ஏறும்போது நிலைதடுமாறி கீழே விழுந்து தலையில் பலத்த காயமடைந்தார். அக்கம்பக்கத்தினர் அவரை மீட்டு மருத்துவமனையில் அனுமதித்து சிகிச்சை பெற்று வந்த நிலையில், நேற்று மூளைச்சாவு அடைந்து உயிரிழந்தார்.
அவரின் உடல் உறுப்புக்களை தானமாக வழங்க குடும்பத்தினர் முன்வந்ததையடுத்து இதயம், சிறுநீரகங்கள், தோல் உள்ளிட்ட 6 உறுப்புகள் சென்னை ஸ்டான்லி அரசு மருத்துவமனை மற்றும் தனியார் மருத்துவமனையில் காத்திருப்போர் பட்டியலில் இருந்த நோயாளிகளுக்கு தானமாக வழங்கப்பட்டன.