ஐபிஎல் சென்னை சூப்பர் கிங்ஸ் அணிக்கு ரவீந்திர ஜடேஜா கேப்டனாக நியமனம்

சென்னை சூப்பர் கிங்ஸ் அணியின் கேப்டன் பொறுப்பில் இருந்து தோனி விலகிய நிலையில், ரவீந்திர ஜடேஜா புதிய கேப்டனாக அறிவிக்கப்பட்டுள்ளார்.

நடப்பாண்டு ஐபிஎல் கிரிக்கெட் தொடர் வரும் 26ஆம் தேதி தொடங்க உள்ள நிலையில் அணி நிர்வாகம் புதிய கேப்டனை அறிவித்துள்ளது. மேலும், தோனி அணியின் வீரராக தொடர்ந்து விளையாடுவார் என்றும் தெரிவிக்கப்பட்டுள்ளது.

ஐபிஎல் தொடர் தொடங்கிய ஆண்டு முதல் சென்னை அணியின் கேப்டனாக தோனி செயல்பட்டு வந்ததை அடுத்து, அவர் தலைமையில் சிஎஸ்கே அணி இதுவரை 4 முறை சாம்பியன் பட்டத்தை வென்றுள்ளது.

சென்னை அணிக்கு ஒரு சில ஆட்டங்களுக்கு ரெய்னா தற்காலிக கேப்டன் பொறுப்பு வகித்த நிலையில், ஜடேஜா அணியின் 3வது கேப்டனாக பொறுப்பேற்கிறார்.