ரசிகர்களின் கூட்டநெரிசலில் ஸ்கீரின் சேதமடைவதால் ஆந்திராவில், ஸ்கீரின் முன்பாக முள்வேலி அமைத்துள்ள திரையரங்கு நிர்வாகம்..

பாகுபலியின் மாபெரும் வெற்றிக்கு பிறகு, எஸ்.எஸ். ராஜமௌலி இயக்கத்தில் உருவாகியுள்ள 'ஆர்.ஆர்.ஆர் ' திரைப்படம் வெளியாவதை முன்னிட்டு, ஆந்திரமாநிலம் ஸ்ரீகாகுளத்தில் உள்ள ஒரு திரையரங்கில் ஸ்கீரின் முன்பாக முள்வேலி தடுப்புகளை திரையரங்கு நிர்வாகத்தினர் அமைத்துள்ளனர். 

தமிழ், தெலுங்கு, இந்தி உள்ளிட்ட 12 மொழிகளில் உலகம் முழுவதும் வருகிற 25-ஆம் தேதி திரையரங்குகளில் வெளியாகிற இப்படத்துக்கு மாபெரும் எதிர்பார்ப்பு உள்ளதால், ஸ்ரீகாகுளத்தில் உள்ள திரையரங்கில் காட்சித்திரை முன்பாக முள்வேலி தடுப்புகளை அமைத்துள்ளனர்.

“புஸ்பா” படத்தின் போது ரசிகர்களின் கூட்டநெரிசலால், ஸ்கீரின் கிழிந்து சேதமடைந்ததால் இந்த நடவடிக்கை எடுத்துள்ளதாக, திரையரங்கு உரிமையாளர்,தெரிவித்தார்.