சென்னையில் அச்சுறுத்தும் வகையில் பைக் சாகசகங்களில் ஈடுபட்ட 6 பேர் கைது… விலையுயர்ந்த 6 பைக்குகள் பறிமுதல்

சென்னையில் பைக் சாகசங்களில் ஈடுபட்ட 6 பேரை கைது செய்த போலீசார் விலையுயர்ந்த 6 இரு சக்கர வாகனங்களை பறிமுதல் செய்தனர். மெரினா கடற்கரை சாலையில் இரவு நேரங்களில் பொது மக்களை அச்சுறுத்தும் வகையில் பைக் சாகசங்களில் இளைஞர்கள் ஈடுபடுவதாக புகார் எழுந்தது.

சிசிடிவி காட்சிகளை ஆய்வு செய்த போலீசார், வாகனப் பதிவுகளை கொண்டு கொருக்குப்பேட்டை, புரசைவாக்கம் உள்ளிட்ட பகுதிக்ளை சேர்ந்த 6 பேரை கைது செய்து, கே.டி.எம்., யமாஹா உள்ளிட்ட விலையுயர்ந்த 6 இரு சக்கர வாகனங்களை பறிமுதல் செய்தனர்.

மேலும் சம்பவம் தொடர்பாக 2 சிறார்களிடம் விசாரணை நடத்தி வருவதாக போலீசார் தெரிவித்தனர்.