டெல்லி கோகுல்புரியில் குடிசைப்பகுதியில் ஏற்பட்ட பயங்கர தீவிபத்தில் 7 பேர் உடல் கருகி உயிரிழந்தனர்.
நள்ளிரவு ஒரு மணியளவில் ஏற்பட்ட இந்த தீவிபத்தில் 30 குடிசைகள் தீயில் கருகியிருப்பதாக வடகிழக்கு டெல்லி காவல்துறை கூடுதல் துணை ஆணையர் தெரிவித்துள்ளார்.
தீவிபத்து தொடர்பாக தகவல் அறிந்ததும் உடனடியாக சம்பவ இடத்திற்கு விரைந்ததாகவும், தீயணைப்புத்துறையினரின் உதவியுடன் அதிகாலை 4 மணியளவில் தீ முற்றிலுமாக அணைக்கப்பட்டதாகவும் அவர் கூறினார்.
தீ விபத்துக்கான காரணம் குறித்து விசாரணை நடைபெறுவதாகவும், டெல்லி கூடுதல் துணை ஆணையர் தெரிவித்தார்.