சார்ஜாவில் இருந்து விமானத்தில் பாதத்தில் மறைத்துக் கொண்டுவந்த தங்கம் பறிமுதல்

சென்னைச் சுங்கத் துறையின் வான் நுண்ணறிவுப் பிரிவினர் சார்ஜாவில் இருந்து விமானத்தில் வந்த பயணி பசை வடிவில் பாதத்தின் அடியில் மறைத்துக் கடத்தி வந்த 240 கிராம் தங்கத்தைப் பறிமுதல் செய்துள்ளனர்.

உளவுத் தகவலின் அடிப்படையில் சென்னை விமான நிலையச் சுங்கத் துறையினர் சார்ஜாவில் இருந்து வந்த பயணிகளிடம் சோதனை நடத்தினர்.

அப்போது பயணி ஒருவர் பாதத்தின் அடியில் பசை வடிவில் மறைத்து வைத்திருந்த தங்கத்தைக் கண்டுபிடித்துப் பறிமுதல் செய்தனர்.