நீச்சல் குளத்தில் கால் இடறி விழுந்த தங்கையை சாதுர்யமாகக் காப்பாற்றிய 3 வயது சிறுமி

தாய்லாந்தில் நீச்சல் குளத்தில் தவறி விழுந்த தனது தங்கையை 3 வயது சிறுமி சாதுர்யமாகக் காப்பாற்றியுள்ளார்.

அந்நாட்டின் வடக்குப் பகுதியில் உள்ள மாகாணத்தைச் சேர்ந்தவர் அபிஸிட். இவர் தனது இரு மகள்களுடன் நீச்சல் குளம் பகுதியைச் சுத்தம் செய்து கொண்டிருந்தார். அப்போது ஒரு வயதுடைய மகள் கால் இடறி நீச்சல் குளத்தில் தவறி விழுந்தார். இதனைக் கண்ட 3 வயதுடைய மற்றொரு சிறுமி பரிதவித்தார்.

அடுத்த சில நொடிகளில் சுதாரித்துக் கொண்ட 3 வயது சிறுமி தந்தையை அழைத்துக் காட்டவே, உரிய நேரத்தில் ஒரு வயதுக் குழந்தை மீட்கப்பட்டது.