அம்பத்தூர் தொழிற்பேட்டையில் உள்ள தொழிற்சாலையில் தீவிபத்து... பல லட்சம் ரூபாய் மதிப்புள்ள பொருட்கள் எரிந்து சேதம்

சென்னை அடுத்த அம்பத்தூர் தொழிற்பேட்டையில் உள்ள தொழிற்சாலையில் ஏற்பட்ட தீவிபத்தில் பல லட்சம் ரூபாய் மதிப்புள்ள பொருட்கள் எரிந்து சேதமடைந்தன.

மேனாம்பேடு ரோட்டில் இயங்கி வந்த தார்ப்பாலின் சீட் தயாரிக்கும் தனியார் தொழிற்சாலையில் அதிகாலை தீவிபத்து ஏற்பட்டு கட்டிடம் முழுவதும் தீ மளமளவென பரவி கொழுந்து விட்டு எரிய தொடங்கியது.

தகவலின் பேரில் சம்பவ இடத்திற்கு வந்த அம்பத்தூர், வில்லிவாக்கம், ஜெ.ஜெ நகர், கோயம்பேடு, திருவல்லிக்கேணி தீயணைப்பு வீரர்கள் சுமார் 2 மணி நேர போராட்டத்திற்கு பின் தீயை அணைத்தனர்.