சென்னை சென்ட்ரல் நிலையத்துக்கு துப்பாக்கியுடன் வந்த கேரளாவைச் சேர்ந்த நபர் கைது

சென்னை செண்ட்ரல் நிலையத்துக்கு துப்பாக்கியுடன் வந்த கேரளாவைச் சேர்ந்த நபரை கைது செய்து போலீசார் விசாரித்து வருகின்றனர்.

வியாழக்கிழமை மாலை கோவையிலிருந்து சென்னை வந்த விரைவு ரயிலில் கேரளாவைச் சேர்ந்த விஜயன் என்பவர் வந்துள்ளார். சுரங்கப்பாதை வழியாக மெட்ரோ ரயில் நிலையம் வந்தவரது உடமைகளை மெட்ரோ ரயில் நிலைய ஊழியர்கள் ஸ்கேனர் மூலம் பரிசோதனை செய்தனர்.

அப்போது விஜயன் கொண்டு வந்த பையில் ஒரு கைத் துப்பாக்கியும் 10க்கும் மேற்பட்ட ஏடிஎம் கார்டுகளும் இருந்ததைக் கண்டனர். உடனடியாக போலீசாருக்குத் தகவல் தெரிவிக்கபப்ட்ட நிலையில், போலீசார் விஜயனை காவல் நிலையம் அழைத்துச் சென்று விசாரித்து வருகின்றனர்.

வேலை தேடி சென்னை வந்ததாகக் விஜயன் கூறியதாகத் தகவல் வெளியாகியுள்ள நிலையில், அவரிடம் தீவிரமாக விசாரணை நடைபெற்று வருகின்றது.