கொரோனா மனிதகுலம் எதிர்கொள்ளும் கடைசி தொற்று நோய் அல்ல... எச்சரிக்கும் ஐ.நா. பொதுச்செயலாளர்

கொரோனா என்பது மனித குலம் எதிர்கொள்ளும் கடைசி தொற்று நோயாக இருக்காது என ஐ.நா. பொதுச்செயலாளர் ஆன்டனியோ குட்டரஸ் எச்சரித்துள்ளார்.

இது குறித்து அவர் தனது டுவிட்டர் பக்கத்தில் வெளியிட்டுள்ள பதிவில், இது கடைசி பெருந்தொற்று அல்ல, இன்னும் நிறைய பெருந்தொற்றுகள் வரும் என கூறியுள்ளார்.

மேலும், இந்த பெருந்தொற்றுக்கான நடவடிக்கைகளை எடுக்கும் போதே அடுத்து வரும் தொற்றை எதிர்கொள்ள தயாராக வேண்டுமென்றும் அவர் வலியுறுத்தியுள்ளார்.