பாகுபலி படத்தின் மாபெரும் வெற்றிக்குப் பிறகு, இயக்குநர் எஸ்.எஸ். ராஜமௌலி இயக்கத்தில் உருவாகியுள்ள 'ஆர்.ஆர்.ஆர் ' திரைப்படத்தின் டீசர் கடந்த மாதம் வெளியான நிலையில், தற்போது படத்தின் 3 நிமிட முன்னோட்டக் காட்சிகள் வெளியாகியுள்ளது.
இப்படத்தில், ராம் சரண் , ஜூனியர் என்.டி.ஆர், ஆலியா பட் ஆகியோர் நடித்துள்ளனர். தமிழ், தெலுங்கு, இந்தி மட்டுமின்றி ஆங்கிலம், போர்ச்சுக்கீஸ், கொரிய, துருக்கி, ஸ்பானிஷ், சீன உள்ளிட்ட 12 மொழிகளில், ஜனவரி 7, 2022 அன்று படத்தை வெளியிட படக்குழு திட்டமிட்டுள்ளது.