புதுச்சேரியில் தனியார் மதுபானக் கடையில் இலவசமாக மதுகேட்டு மேலாளரை மிரட்டிய நபர், அவர் அசந்த நேரம் பார்த்து பெட்டியோடு மதுபாட்டில்களை தூக்கிச் சென்ற சிசிடிவி காட்சி வெளியாகியுள்ளது.
மூலக்குளம் சாலையில் உள்ள மதுபானக் கடையில், ரவுடி புளியங்கோட்டை ரங்கராஜின் கூட்டாளிகள் எனக்கூறப்படும் இருவர் இலவசமாக மதுபானம் கேட்டும், மாமூல் கேட்டும் மேலாளரை மிரட்டியதாக சொல்லப்படுகிறது.
அதற்கு மறுப்பு தெரிவித்த மேலாளர், வேறொரு வாடிக்கையாளருக்கு மதுபானம் எடுத்துக் கொடுக்க உள்ளே சென்றார். அந்த நேரம் பார்த்து, மதுபானக் கடைகளில் இருக்கும் சிறிய இடைவெளி வழியாக உள்ளே புகுந்த ரவுடி, பெட்டியோடு மதுபானங்களை தூக்கிச் சென்றான்.
இந்த சிசிடிவி காட்சிகளை கொண்டு மேட்டுப்பாளையம் போலீசார் விசாரணை மேற்கொண்டு வருகின்றனர்