20 ஓவர் உலக கோப்பை கிரிக்கெட் இறுதிப் போட்டிக்கு ஆஸ்திரேலிய அணி தகுதி பெற்றுள்ளது. இரண்டாவது அரையிறுதிப் போட்டியில் பாகிஸ்தான், ஆஸ்திரேலியா அணிகள் மோதின.
முதலில் களமிறங்கிய பாகிஸ்தான் 20 ஓவர்களில் 4 விக்கெட் இழப்புக்கு 176 ரன்கள் சேர்த்தது. முகமது ரிஸ்வான் 67 ரன்னும், பக்கர் சமான் 55 ரன்களும் சேர்த்தனர்.
இலக்கை நோக்கி ஆடிய ஆஸ்திரேலிய அணியில் 19வது ஓவரில் மேத்யூ வேட் அடுத்தடுத்து 3 சிக்சர்கள் பறக்கவிட்டு அணியின் வெற்றியை உறுதி செய்தார்.
5 விக்கெட் இழப்புக்கு ஆஸ்திரேலியா 177 ரன்கள் குவித்து வெற்றி பெற்றது. வரும் ஞாயிற்றுக்கிழமை நடக்கும் இறுதி ஆட்டத்தில் நியூசிலாந்து, ஆஸ்திரேலியா அணிகள் மோதுகின்றன.