சென்னை கொடுங்கையூரில் உணவு டெலிவரி செய்ய வந்த நபரை தாக்கி பைக், செல்போன் உள்ளிட்டவற்றை பறித்த நபரை போலீசார் கைது செய்தனர்.
கண்ணதாசன் நகர் பகுதியை சேர்ந்த சிவப்பிரகாசம், உணவு டெலிவரி செய்யும் நிறுவனத்தில் பணிப்புரிந்து வரும் நிலையில், நேற்று நள்ளிரவு வியாசர்பாடி ஜே.ஜே நகர் பகுதிக்கு சிக்கன் ரைஸ் டெலிவரி செய்ய சென்றுள்ளார். அப்போது, உணவு ஆர்டர் செய்த நபரும் அவனது நண்பனும் கத்தியை காட்டி மிரட்டி, சிவபிரகாசத்தை தாக்கிவிட்டு அவரது செல்போன், பைக்கை பறித்து சென்றனர். புகாரின் பேரில் சக்திவேல் என்பவனை கைது செய்த போலீசார் மேலும் ஒருவனை தேடி வருகின்றனர்.