இங்கிலாந்துக்கு எதிரான டெஸ்ட் தொடரில் இருந்து காயம் காரணமாக வாஷிங்டன் சுந்தர் விலகல்

காயம் காரணமாக இங்கிலாந்துக்கு எதிரான டெஸ்ட் தொடரில் இருந்து தமிழக வீரர் வாஷிங்டன் சுந்தர் விலகுவதாக அறிவிக்கப்பட்டுள்ளது.

இரு அணிகளுக்கு இடையேயான முதல் டெஸ்ட் போட்டி அடுத்த மாதம் 4-ம் தேதி நாட்டிங்காமில் தொடங்குகிறது. இதற்கு தயாராகும் விதமாக இந்திய அணி, கவுன்டி லெவன் அணியுடன் 3 நாள் பயிற்சி ஆட்டத்தில் பங்கேற்றது.

இதில் தமிழகத்தைச் சேர்ந்த ஆல்-ரவுண்டரான வாஷிங்டன் சுந்தர், கவுன்டி அணி சார்பில் விளையாடினார். அப்போது, முகமது சிராஜ் வீசிய பந்து வாஷிங்டன் சுந்தரின் கை விரலில் பலமாக தாக்கியதில், எலும்பு முறிவு ஏற்பட்டது.

காயம் குணமடைய குறைந்தபட்சம் 5 வாரமாகும் என்பதால் அவர் டெஸ்ட் தொடரில் பங்கேற்க மாட்டார் என அறிவிக்கப்பட்டுள்ளது.