ஆந்திர மாநிலம் கர்னூல் அருகே சாலையில் கவிழ்ந்து விபத்துக்குள்ளான பால் லாரியில் இருந்து கொட்டிய பாலை அப்பகுதி மக்கள் முண்டியடித்துக் கொண்டு குடங்களில் பிடித்துச் சென்றனர்.
டோனிலிருந்து கர்னூல் நோக்கி பால் ஏற்றி கொண்டு டேங்கர் லாரி சென்று கொண்டிருந்தது. கல்லூரு மண்டலம் பஸ்திபாடு கிராமத்தின் வழியாக சென்ற போது ஓட்டுனர் ஒரு நிமிடம் கண் அயர்ந்தால் கட்டுப்பாட்டை இழந்த லாரி சாலையோரம் கவிழ்ந்து விபத்துக்குள்ளானது.
இந்த சம்பவத்தில் டேங்கர் லாரியில் இருந்த பால் அனைத்தும் சாலையில் வீணாக கொட்டி வழிந்தோடியது. இதனை அறிந்த சுற்றுப்பகுதி மக்கள் காலி குடங்களுடன் வந்து பாலை குடங்களில் பிடித்து சென்றதால் போக்குவரத்து பாதிக்கப்பட்டது.
தகவல் அறிந்து வந்த போலீசார் கிரேன் மூலம் லாரியை அங்கிருந்து அப்புறப்படுத்தினர்.