அமெரிக்காவில், ராட்சத பலூன் தீ பிடித்து எரிந்த விபத்தில் 4 பேர் பரிதாபமாக உயிரிழந்தனர்.
நியூ மெக்சிகோ மாகாணத்தில் உள்ள Albuquerque நகரில் ராட்சத பலூனில் 5 பேர் பயணம் மேற்கொண்டனர். விமான நிலைய பகுதியில் பலூன் சென்று கொண்டு இருந்த போது எதிர்பாராதவிதமாக கட்டுப்பாட்டை இழந்து மின்சார வயர்களில் உரசி தீ பற்றியது.
இந்த விபத்தில் ராட்சத பலூனில் பயணம் செய்த 4 பேர் பரிதாபமாக சம்பவ இடத்திலேயே உயிரிழந்தனர். ஒருவர் உயிருக்கு ஆபத்தான நிலையில் சிகிச்சை பெற்று வருகிறார். மேலும் இந்த மின் விபத்தால் அங்கு 13 ஆயிரம் வீடுகள் மற்றும் நிறுவனங்கள் இருளில் மூழ்கியதாக தெரிவிக்கப்பட்டு உள்ளது.