பீகார் மாநிலத்தில் சில இடங்களில் லேசான நிலநடுக்கம்... வீடுகளில் உணரப்பட்டதால் பொதுமக்கள் வீதிகளில் தஞ்சம்

பீகாரில் நேற்றிரவு மிதமான அளவில் நிலநடுக்கம் ஏற்பட்டது. தலைநகர் பாட்னாவில் நேற்றிரவு 9.30 மணியளவில் நிலநடுக்கம் ஏற்பட்டதால் பொதுமக்கள் வீடுகளை விட்டு வீதிகளில் தஞ்சமடைந்தனர்.

ரிக்டர் அளவு கோலில் 3 புள்ளி 5 ஆக பதிவான இது சுமார் 5 விநாடிகளுக்கு நீடித்ததாகக் கூறப்படுகிறது. நாலந்தாவில் இருந்து சுமார் 20 கிலோ மீட்டர் தொலைவில் நிலநடுக்கத்தின் மையப்பகுதி உணரப்பட்டதாக தேசிய புவியியல் ஆய்வு மையம் தெரிவித்துள்ளது.

முன்னதாக திங்கள்கிழமை மாலை, ரிக்டர் அளவில் 4 புள்ளி 1 என்ற அளவில் நிலநடுக்கம் அந்தமான் மற்றும் நிக்கோபார் தீவுகளிலும் உணரப்பட்டது.