சசிகலாவுக்கு கொரோனா தொற்று உறுதி - பெங்களூரு விக்டோரியா மருத்துவமனை தகவல்

சசிகலாவுக்கு கொரோனா வைரஸ் தொற்று உறுதி செய்யப்பட்டுள்ளதாக அவருக்கு சிகிச்சை அளித்து வரும் பெங்களூரு விக்டோரியா மருத்துவமனை தெரிவித்துள்ளது.

கடந்த 19ம் தேதி அவருக்கு உடல்நலம் பாதிக்கப்பட்டதால் சிவாஜி நகரில் உள்ள பவுரிங் அரசு மருத்துவமனையில் அனுமதிக்கப்பட்டார்.

மூச்சுத்திணறல் அதிகமானதால் மேல் சிகிச்சைக்காக விக்டோரியா மருத்துவமனைக்கு மாற்றம் செய்யப்பட்டார்.

அங்கு சசிகலாவுக்கு நடத்தப்பட்ட ஆர்டி பிசிஆர் பரிசோதனையில் கொரோனா தொற்று உறுதி செய்யப்பட்டுள்ளதால், கொரோனா வார்டுக்கு மாற்றப்பட்டார்.

சசிகலாவுக்கு ஐசியுவில் சிகிச்சை அளிக்கப்பட்டு வந்த நிலையில், அவரது நுரையீரலில் தொற்று இருப்பது சிடி ஸ்கேன் பரிசோதனையில் கண்டறியப்பட்டுள்ளது.

சர்க்கரை அளவு அதிகமாக இருப்பதுடன், ரத்த அழுத்தம், தைராய்டு பாதிப்பு இருப்பதால், தொடர்ந்து அவருக்கு சிகிச்சை அளிக்கப்படுவதாக மருத்துவமனை அறிக்கையில் கூறப்பட்டுள்ளது.