மக்கள் நீதி மய்யம் கட்சிக்கு தமிழகத்திலும் டார்ச் லைட் சின்னம் ஒதுக்கீடு

தமிழகத்திலும் மக்கள் நீதி மய்யம் கட்சிக்கு இந்திய தேர்தல் ஆணையம் டார்ச் லைட் சின்னத்தை வழங்கியுள்ளது.

இந்த தகவல் கமல்ஹாசன் தெரிவித்துள்ளார். டார்ச் லைட் சின்னம் ஒதுக்கிய தலைமை தேர்தல் ஆணையத்திற்கும், துணை நின்றவர்களுக்கும் நன்றி என்று அவர் கூறியுள்ளார்.

கடந்த நாடாளுமன்றத் தேர்தலில் முதன்முறையாக போட்டியிட்ட மக்கள் நீதி மய்யத்துக்கு டார்ச் லைட் சின்னம் ஒதுக்கப்பட்டது. இந்நிலையில் சட்டமன்ற தேர்தலுக்கு, புதுச்சேரியில் மட்டும் அந்த கட்சிக்கு டார்ச் லைட் சின்னம் ஒதுக்கப்பட்டது.

இதை எதிர்த்து சென்னை உயர்நீதிமன்றத்தில் வழக்கு தொடரப்பட்டது. இந்த நிலையில் தமிழகத்தில் மக்கள் நீதி மய்யத்திற்கு டார்ச் லைட் சின்னத்தை ஒதுக்கியுள்ளது இந்திய தேர்தல் ஆணையம்