மறைந்த முன்னாள் குடியரசுத்தலைவர் அப்துல்கலாமின் 89வது பிறந்தநாளையொட்டி அவருக்கு பிரதமர் நரேந்திர மோடி டுவிட்டரில் புகழாரம் சூட்டியுள்ளார்.
இது தொடர்பாக அவர் வெளியிட்டுள்ள செய்தியில், அறிவியல் விஞ்ஞானியாகவும், குடியரசுத் தலைவராகவும் தேசத்தின் வளர்ச்சிக்கு அப்துல்கலாம் அளித்த பங்களிப்பை இந்தியா ஒருபோதும் மறக்காது என குறிப்பிட்டுள்ளார். கலாமின் வாழ்க்கைப்பயணம் லட்சக்கணக்கான மக்களுக்கு ஊக்கம் அளிப்பதாகவும் பதிவிட்டுள்ளார்.
இதே போல், தமிழக முதலமைச்சர் எடப்பாடி பழனிசாமி வெளியிட்டுள்ள செய்தியில், இளைஞர்களுக்கு என்றும் வழிகாட்டியாக திகழும் அப்துல் கலாம் காலத்தால் அழியாதவர் என புகழாரம் சூட்டியுள்ளார்.